آش خاص مدينة سيدي يحي الغرب ؟؟؟
 |
| سيدي يحي الغرب
آش خاص مدينة سيدي يحي الغرب ؟؟؟
سيدي يحي الغرب خاصها الأمن الوطني ماشي اللاوطني ..ماشي الأمن اللي صار يبيع الصبابط وتباقالت والكراسن والصنادل
سيدي يحي الغرب خاصها باشا المدينة
سيدي يحي الغرب خاصها رئيس المقاطعة
سيدي يحي الغرب خاصها مستشفى ديال بصح مستشفى نحسو به أنه مستشفى المملكة المغربية العظيمة , بلد الملوك العظام
سيدي يحي الغرب خاصها عامل الإقليم
سيدي يحي الغرب خاصها والي الجهة
سيدي يحي الغرب خاصها أعضاء وممثلون يتكلمو ويغوتو على الخصاص ومكمن الضعف اللي في المدينة
سيدي يحي الغرب رابع أغنى خزينة في المملكة خاصها رجل نزيه نشوفوه كل يوم في المكتب ديلو في البلدية يراقب عن قرب عمل ونشاط الموظفين ويحل مشاكل الناس عن قرب دون هيلالة ديال البراهش
سيدي يحي الغرب خاص المكتب الوطني للسكك الحديدية يعترف بها أنها صارت مدينة ولم تعد قرية كما اركها الإستعمار الفرنسي .... لأن الملفات اللي خلى الإستمار عن المدينة أنها قرية لازالت هذه الملفات في مكتب السكك الحديدة يتعامل بها ...خاصها قطار كل ساعة تقريبا مع فاتورة في متناول السكان .....باش تركب في القطار أنت وزوجتك وجوج ديال الأبناء ب 60 درهم يعني 15 درهم للفرد في اتجاه القنيطرة 18 كلم فقط ..فهذا ظلم جائر ...فبأي دراسة ومنهاج تم اتخاذ هذا الثمن ؟؟؟
سيدي يحي الغرب خاصها مسبح
سيدي يحي الغرب خاص معمل الفلين يقفل لما له من أضرار على صحة البشر ...الذليل أنه كان في سلا وتم تحويله لسيدي يحي الغرب ..لأنه فيها قوما جبارين
سيدي يحي الغرب خاصها تكمل على مشروع التدصيص والتزفيت والتبليط اللي كان في ما مضى ......ماشي سعادة الرئيس ميس ناض نكس مجاري الصرف الصحي اللي على جناب الطريق وناضو شي ناس صورها وقالو الحمد لله السيد الرئيس راه خدام ونبشرو الخير منو ...واش حتى نكيس مجاري راه على حساب تطهير اللي كنخلصو في الفاتورة ...آش دخل السي ميس فيها ..وحتى لو كان داخل فيها لا يمكن نحسبوه إنجاز ......الإنجاز الحقيقي هو عملية التبليط والتزفيت والتدصيص ..
سيدي يحي الغرب خاصها مجمع رياضي ... قلت مُــجَــمَّــعْ رياضي ....
سيدي يحي الغرب خاص الشارع الكبير اللي تعمل في 2013 في اتجاه سيدي يلمان .يزيد يوساع باش يتقاد مع الشارع اللي دارت فرنسا في 1949 .....
سيدي يحي الغرب خاص الفوضى ديال احتلال الملك العمومي تحيد من الفيلاج ...على الأقل نبداو من الفيلاج لأنه هو الواجهة ديال المدينة ...هادي أضعف الإيمان
سيدي يحي الغرب خاصها احترام علامات السير واحترام قانون السير : كنعني علامات ممنوع الوقوف أو التوقف نشوفوها .... كنعني الطريطوار المصبوغ ممنوع الوقوف خاصنا نشوفوها
-----------------------------------------------
سيدي يحي الغرب مدينة إلى نزلنا شي واحد من القمر وقلنا ليه غادين نضربو بيك واحد الدورة على رجليك مدة خمس ياعات وقل لينا في الأخير رأيك فيها
فالسيد غادي يشوف الفوضى في كل شيئ ..أول شيئ سيذهله هو مكان بيع الحوت هو مكان خانز إذن اصحاب الحوت خاصهم العناية وخاصهم بلاصة ...غادي يشوف احتلال الملك العمومي بطريقة ليزاباش ..... نقولو ليه اعمل راسك كأنك مريض وخش على هذا المستوصف ...السيد غادي يتعجب ويقوليكم واش هادي هي المملكة المغربية العتبيدة ؟؟ إلى قلنا ليه خش على الأمن وقل لهم راه واحد الأحمق تيضرب الناس ... البوليسي غادي يقول ليه سير قلها للقايد .:o :o ...ولما راح عند القايد قاليه جيب ليا اسميت الأحمق :o :o :o السيد غادي يشوف غادي يشوف غادي يشوف غادي يشوف غادي يشوف ... وفي الأخير غادي يقول : اللهم اسق عبادك وبهيمتك وانشر رحمتك واحيي بلدك الميت
|
 |
| سيدي يحي الغرب |
 |
| سيدي يحي الغرب |
 |
| سيدي يحي الغرب |
 |
| سيدي يحي الغرب |
